EDT 6. DANTZA, TERAPIA, MUGIMENDU ETA OSASUN TOPAKETAK

, ,

EDT 6. DANTZA, TERAPIA, MUGIMENDU ETA OSASUN TOPAKETAK

EDT dantza, terapia, mugimendu eta osasunari buruzko topaketak seigarren urtez jarraian ospatuko dira 2026ko irailaren 4an, 5ean eta 6an, Donostiako Tabakaleran.

Aurtengo edizioak begirada transgenerazionala jarriko du erdigunean, dantza eta mugimendua bizitzaren etapa guztiak zeharkatzen dituzten hizkuntza eta adierazpide gisa ulertuta.

Dantza ez dugu soilik praktika artistiko edo profesional gisa ulertzen. Gorputzaren bidez osasuna sustatzeko, harremanak eraikitzeko, komunikazioa errazteko eta elkarrekin egoteko aukera ematen duen tresna ere bada. Haurtzarotik zahartzarora, etapa bakoitzaren behar, erritmo eta aukeretara egokituz, mugimenduak pertsonen garapena, ongizatea eta komunitatearekiko lotura indartzen ditu.
Hiru egunez, solasaldiak, tailerrak, esperientzia artistikoak eta topaguneak izango dira, dantzaren, mugimenduaren eta osasunaren arteko elkarguneak ikuspegi anitzetatik esploratzeko.
EDT-6 PROGRAMA

PREZIOAK eta IZEN-EMATEAK

Praktika guztiak: 20€ ADDE eta EAB bazkideak – 50€ ez bazkideak
3 praktika: 15€ ADDE eta EAB bazkideak – 40€ ez bazkideak
2 praktika: 10€ ADDE eta EAB bazkideak – 25€ ez bazkideak
praktika 1: 5 € ADDE eta EAB bazkideak -15€ ez bazkideak

Solasaldiak: Sarrera librea, aldez aurreko izena emanda.

Izen-emateak uztailaren 2tik 28ra info@addedantza.org helbidean.
Beharrezkoa da inskripzioan adieraztea zein praktika/solasalditan ematen duzun izena.

/by