REDE argitalpena – “Hacia unas buenas prácticas de danza en la escuela”
REDE ARGITALPENA – “Hacia unas buenas prácticas de danza en la escuela”
REDE, Dantza eta Hezkuntzako Estatuko Sareak “Hacia unas buenas prácticas de danza en la escuela” argitaratu du
Dantzaren hezkuntza-praktika ez da ohikoa ikastetxeetan. Eskolan dantzaren jardunbide egokien presentzia indartzeko eta Haur Hezkuntzako, Lehen Hezkuntzako, Bigarren Hezkuntzako eta Goi Mailako Hezkuntzako ikastetxeetan araubide orokorreko irakaskuntzetan dantzako profesionalen presentzia indartzeko helburu orokorrarekin, 2020an REDE eratu zen, Dantza eta Hezkuntzako Estatuko Sarea.
Hezkuntza-berrikuntza, -kudeaketa eta -ikerketako proiektu honen bidez, hamaika elkarte profesional elkarlanean eta lankidetzan ari dira ikertzeko, ezagutza partekatzeko eta legea aldatzeko eta berritzeko ekintza funtsatu bihurtzeko, jardunbide egokien presentzia indartzeko eta eskolan dantzako profesionalen sarbidea eta jarduera errazteko.
Liburu honetan REDEren ibilbidea, ekintzak eta erronkak deskribatzen dira, dantzaren egoera bost autonomia erkidegotan ardazten da eta eskolako dantza-jardunbide egokien eredu batzuk zehazten dira.
ARGITARATZAILEAK
Alicia Gómez-Linares Pedagogian doktorea da (UPV/EHU). Psikologian lizentziatua (Deustuko Unibertsitatea). Dantza Klasikoan (Alacanteko Goi Mailako Kontserbatorioa) eta Dantza Garaikidean (The Place) tituluduna. Dantzertiko irakaslea, Euskadiko Arte Dramatiko eta Dantzako Goi Mailako Eskolan. CreaRed EscenA (ISEACV) Ikerketa Taldeko, D + I: Danza e Investigación Espainiako Elkarteko Zuzendaritza Batzordeko eta ADDEko Hezkuntza Batzordeko kidea. Artescénicas aldizkariko zuzendariondokoa. REDEren asmatzailea eta koordinatzaile-kidea.
Carmen Giménez-Morte Filosofia, Estetika eta Arteen Teorian doktorea da Valentziako Unibertsitatean. Dantza Klasikoko titulua Valentziako Goi Mailako Musika eta Dantza Kontserbatorioan, eta Dantza Garaikideko titulua Arte Dramatikoko Goi Mailako Eskolan. Artearen Historiako Lizentziatura eta Masterra. Valènciako Nacho Duato CSDVko Errepertorioa, dantza garaikidea, aztertzeko eta praktikatzeko katedraduna. CreaRed EscenA (ISEACV) taldearen IP. Espainiako Arte Eszenikoen Akademiako hirugarren presidenteordea. D + I: Dantza eta Ikerketa Espainiako Elkarteko lehendakaria.
Gemma Calvet Villena Filosofian eta Hezkuntza Zientzietan lizentziaduna da UBn, eta Dantzaren Pedagogian Goi Mailako tituluduna CSD l ‘Institut del Teatren. Gaur egun, Esparreguerako l ‘Escola de les Arts-eko dantza-irakasle eta Montornés del Valles-eko Udalaren Dantza Eskolako koordinatzaile eta irakasle gisa dihardu. Hainbat argitalpenetan parte hartu du: Dansa Creativa, Dansa a l ‘escola, Mapa de bones pràctiques eta Guia de les sortides laborals dels professionals de la dansa. APdC-ko kidea eta REDEko koordinatzaile-kidea.
EGILEAK
Alicia Gómez-Linares, Carmen Giménez-Morte, Gemma Calvet Villena, Vanesa Fuentes, Laura Martín, Aina Bujosa, Omar Meza, Ainhoa Magallón, Mónica Yunquera, Marta Romero, Paz Díaz, Teresa Susinos, Jerónimo Forteza Ramos, Alicia Herrero-Simón, Natalia Monge, June Kortazar, Eneko Balerdi, Tania Herrero Martínez, Sara Esteller, Wilfried van Poppel, Amaya Lubeigt, Clara Boj, Checho Tamayo, Eva Morales, Antonio Venegas y Pedro Jiménez.
