ESTATUKO DANTZA ETA HEZKUNTZA SAREA (REDE)
ESTATUKO DANTZA ETA HEZKUNTZA SAREA (REDE)
Dantza nahitaezkoa da erregimen orokorreko irakaskuntzetan Espainiako estatuan duela hiru hamarkadatik, eta funtsezko hezkuntza-funtzioa betetzen du ikasleen garapen indibidual eta sozialerako. Hala ere, ikastetxeetako dantzako hezkuntza-praktika ez da oso ohikoa, eta arrazoietako bat irakasleen prestakuntza- eta kualifikazio-falta da.
Egoera horren aurrean, Espainiako 9 dantza-elkartek bat egin dute Haur Hezkuntzako, Lehen Hezkuntzako eta Bigarren Hezkuntzako ikastetxeetan dantzaren presentzia eta jardunbide egokiak bultzatzeko, ESTATUKO DANTZA ETA HEZKUNTZA SAREAren bidez (Rede).
Sare hori honako hauek osatzen dugu::
- Euskal Herriko Dantza Profesionalen Elkarteak (ADDE)
- Kataluniako Dantza Profesionalen Elkarteak (APdC)
- Associació de Professionals de la Dansa de la Comunitat Valenciana (APDCV)
- Asociación Andaluza de Profesionales de la Danza (PAD)
- Asociación de Profesionales de la Danza de la Comunidad de Madrid (APDCM)
- Asociación de Profesionales de la Danza de Asturias (APDA)
- Asociación de Profesionales de la Danza de Castilla y León (PRODANZA)
- Asociación de Profesionales de la Danza de Cantabria (Movimiento en Red)
- Asociación de Profesionales y Usuarios de las Artes del Movimiento de Murcia (Danza Visible).
Sortzearen lehen fasean lau ekintza gako egitea da helburua (2020-2022):
1) Estatu mailan, dantzako jardunbide egokien eragileak eta baliabideak identifikatzea eskolan, eta bistaratzea dantzako profesionalen elkarte autonomikoen webguneen bidez;
2) Aholkularitza, koordinazioa eta sektore arteko lankidetza ematea hezkuntza-eragile eta -administrazio autonomiko eta estatalekin, araubide orokorreko irakaskuntzetan dantzaren eta dantzako profesionalen presentzia areagotzeko;
3) Haur Hezkuntzan, Lehen Hezkuntzan eta Bigarren Hezkuntzan dantzako jardunbide egokien prestakuntza-plan pilotua diseinatzea eta garatzea, eta
4) Estatu mailako ikastetxeetan dantzaren araudiari eta hezkuntza-jardunari buruzko ikerketa bat babestea.
2021ean zehar, parte hartzen duen autonomia-erkidego bakoitzean garatzen diren jardunbide egokien eragileak eta baliabideak identifikatzen, katalogatzen eta zabaltzen lan egingo da.
REDE aurkezpen dokumentua IKUSI DOKUMENTUA.
Proiektuaren denboraren ildoa, orain arte egindako urratsak laburpen gisa IKUSI DOKUMENTUA
Dantzako profesionalen elkarte bat bazara eta proiektuan parte hartu nahi baduzu, kudeaketa-taldearekin harremanetan jar zaitezke:
ADDE: info@addedantza.org
APdC: projectes@dansacat.org
