Nor gara – ADDE dantza

Nor gara

Aurkezpena

ADDE Euskal Herriko Dantza Profesionalen Elkartea da.
2003. urtean sortu zen eta sektorearen barne-kohesioaren alde eta profesionalen lan-baldintzak hobetzearen alde egiten du lan; dantzari eragiten dioten politika publikoetan bitarteko ari izaten: maila kulturalean, prestakuntza mailan eta maila laboralean ere.

ADDEk dantzaren alorreko askotariko lanbideak jasotzen ditu, baita hainbat hizkuntza eta estilo desberdinak ere.

Hortaz, ADDEk dantzaren hedapena herritarren artean zabaltzeko egiten du lan, izan ere, dantzaren ezagutza eta praktika sustatzen du. Bai espresio artistiko gisa baita prestakuntza eta alderdi ludiko moduan ere.

Gure helburua

Dantzaren hezkuntza-garapena, garapen soziala, laborala, kulturala eta artistikoa bultzatzea da, profesionalon esperientziatik, konpromisotik eta hausnarketatik abiatuta.

Lan eremuak Helburuak Kudeaketa egitura ADDEren historia

Elkartearen eremua

Alor honetan, ADDE elkarteak dantzako profesionalak elkartzea du xede nagusia, euren lanbidea edo espezialitatea edozein izanda ere, sektorearen garapenean lagunduko duten diagnosiak eta neurriak aztertzeko eta adosteko. Hori guztia, sektorearen adar artistikoan, kulturalean, sozialean, nahiz alderdi ekonomikoan eta laboralean.

Helburu hori betetzeko, elkarteko eginkizunak antolatzen ditugu ADDE osatzen dugunon artean: batzar nagusia, zuzendaritza-batzordea eta kudeaketa-egitura osatzen dugun pertsonen artean hain zuzen. Bestalde, ADDEk barne-komunikazioa eta sektore guztiaren egituratzea areagotzeko ahalegina egiten du, bazkide diren profesionalak, nahiz bazkide ez direnak barne.

Eremu sektoriala

ADDE, elkarte profesionala den aldetik, dantza sektoreko kultur politiken diseinuan eta kudeaketan parte hartzeko erantzukizuna du. Hori horrela, ADDEri deitutako foro guztietan parte hartzen du. Euskadin dantzaren garapen profesionala hobetuko duten neurriak hartzera eramango duten hausnarketen azterketan laguntzeko.

ADDE elkartea sektoreko barne-elkarrizketan lan garrantzitsua garatzen ari da, bai eragile publikoekin, bai pribatuekin. Arreta berezia eskainiz, dantza garapen maila handiagoan duten beste eredu eta esperientzia batzuek aintzat hartuz eta Euskadin dantzaren hazkundearen espezifikotasunak atzematen eta sustatzen ahaleginduz.

Hedapen eremua

ADDEk ezinbestekotzat jotzen du dantza gizartean hedatzeko lana garatzea. Dantzaren eragileen eta herritarren ezagutza zenbat eta handiagoa izan, dantzak eta dantza profesionalek sortzen duten aberastasun kultural, sozial eta ekonomikoari dagokionez, orduan eta handiagoa izango da etorkizunean izango duen garapena.

Publikoarekiko harreman zuzena eta komunikabide ugarien bidez, ADDEk dantzak duen balioa ematen lagundu nahi du, ez jarduera kultural eta artistiko moduan soilik, baita jarduera profesional moduan ere. Dantza herritar guztientzat eskuragarri dagoen adierazpen-baliabide bilakatuz eta Euskadin sortutako ekimen artistikoek gure komunitatean nahiz nazioarte mailan hedapen handiagoa izan dezaten nahi du.

Prestakuntza eremua

ADDEk elkarte eta eragile-ordezkari moduan egin nahi du lan sektorean, profesionalen prestakuntzan, nagusiki profesionalizazio-prozesuekin lotutako gaietan (kudeaketa, ekoizpena…). Elkarteak bide horretan egiten du lan, ikastaroak, mintegiak eta hitzaldiak antolatuz. Era berean, profesionalen birziklapenean eta prestakuntza fisiko teknikoan eragiten du, haientzako entrenamendu jarraitua antolatuz eta koordinatuz. Euskal Herriko Dantza Profesionalen Elkarteak etengabeko elkarrizketa mantendu nahi du bazkideekin, prestakuntzaren inguruko haien eskaera jakinei arreta eskaintzeko eta, horrela, haiei erantzuna eman ahal izateko.

Elkartearen xedea oinarrizko hiru ardatz hauen inguruan definitzen da: 1. Sektorearen eta sektoreko profesionalen kohesioa eta egituratzea; 2. Sektoreari buruzko kultur politiketan esku hartzea eta 3. Dantza alor guztietan hedatzea eta zabaltzea.

Hauek dira gure helburuak:

Dantza sektoreko profesionalizazioa indartzea, bazkideen garapen profesionala bultzatuz.
Sektoreko kohesioa, egituratzea eta barne-komunikazioa garatzea, identitate plurala eta kolektiboa aitortzetik hasita.
Dantzaren profesionalak ordezkatzea erakunde publiko nahiz pribatuen aurrez aurreko elkarrizketetan, kultur politiketan esku hartze aldera.
Dantzaren balioen transmisioa bultzatzea, maila sozialean, maila artistikoan, maila kulturalean eta hezkuntzan.

KOHESIOA

Sektorearen identitate kolektibo eta plurala aitortzea.
Sektoreko barne kohesioa, egituratzea eta komunikazioa.
Azterketan eta ebaluazioan oinarrituta, sektorearen berezko diskurtsoa sortzea.

ESKU HARTZEA

Sektoreko eragileekin harremana; maila autonomikoan, estatu mailan eta nazioarte mailan.
Elkarrizketa administrazioekin eta ordezkari publikoekin. Kultur politiketan esku-hartzea.
Elkarrizketa gainerako sektore kultural eta sozialekin, publikoak nahiz pribatuak.

HEDAPENA

Sektoreko jarduera profesionala jendarterantz hedatzea eta zabaltzea.
Dantzaren praktika eta ezagutza herritarren artean sustatzea.
Dantzaren giza balioak, balio sozialak, balio kulturalak eta balio artistikoak gizarteari transmititzea.

Ohiko edo ezohiko batzar orokorra, azken batean, elkartearen funtzionamendua arautzen duen erabaki- eta onarpen-organoa da. Urtero bertaratzeko deialdia egiten zaie ADDE elkarteko bazkide guztiei. Elkartean izaera demokratikoa lantzen da erabakiak hartzean, baita erabateko gardentasuna ere bazkideen artean informazioa trukatzean.

Euskal Herriko Dantza Profesionalen Elkarteak honako pertsonek osatzen dute: bazkideak, lantaldeak, zuzendaritza-batzordeak eta kudeaketa-egitura osatzen duten pertsonak. Modu bateratuan lan eginez jarduten dute koordinazioari, komunikazioari eta gardentasunari esker. ELKARTE PROIEKTUA – PROTOKOLOAK

Zuzendaritza-batzordea

Batzarrak elkarteko zazpi kidez osatutako zuzendaritza-batzordeko ordezkariak aukeratzen ditu urtero. Egungo zuzendaritza-batzordea, 2023ko azaroaren 22an batzar nagusian aukeratuak, hauek osatzen dute:

Lehendakaria: Mar García
Lehendakariordea: Aritz López
Idazkaria: Mikle del Valle
Diruzaina: Ebi Soria
Batzordekidea: Zuriñe Benavente
Batzordekidea: Oihana Vesga
Batzordekidea: Rebeca Barroso

Zuzendaritza-batzordearen erantzukizuna da elkartearen funtzionamendua zuzentzea eta bazkideekin eta kudeaketa-egitura osatzen dutenekin komunikazioan batzarrean onartutako proiektuak aurrera eramatea, horiek arduratuko baitira exekutatzeaz eta elkartearen egunerokotasunaz. Batzordea hilean behin elkartzen da elkarteko jarduera-ildoak definitu eta bulegora eramateko.

Lantaldeak

2010. urteaz geroztik ADDEren organigrama hainbat lantaldeek osatu dute, baina 2016. urtean lantaldeen lan eredua finkatzen dugu esku hartean ditugun proiektuak aurrera eramateko.
Hezkuntza batzordea izan ezik, hori izan baita hasieratik denboran zehar mantendu den batzorde bakarra, beste lantaldeak denbora zehatz baterako sortu dira proiektu espezifikoentzako.
Lantalde horien funtzionamendua aldizkako barne bilerak egitean datza eta ahal den heinean, lantaldeko pertsonaren bat juntako kidea ere izaten saiatzen gara, horrela, kudeaketa egitura osoaren komunikazioa errazten dugu.
Interesa duten bazkideek ADDEren lantaldeetako kideak izan daitezke.
Egun, honako lantaldeak daude lanean: hezkuntza batzordea, sortzaileen batzordea, dantza etxeak batzordea.

Kudeaketa taldea

ADDEk kudeaketaren erabateko profesionalizazioaren aldeko apustua egin du. Elkarteko kudeaketa taldea honakoek osatetazen dute: Kudeaketa eta proiektuen koordinazioan arduraduna, Komunikazioa eta bazkide zerbitzuen arduraduna eta Dantza Lanen Katalogoaren koordinazio arduraduna. Talde hori etengabeko koordinazioan eta komunikazioan aritzen da zuzendaritza-batzordearekin eta bazkideekin, zuzendaritza-batzordeko bileretan finkatutako lana aurrera eramateko.

Estatutuak

ADDE irabazi asmorik gabeko elkarte profesionala da eta 2009ko uztailaren 23an aldatu ziren azkeneko aldiz elkarteko estatutuak. Euskal Herriko Dantza Profesionalen Elkartea 1977ko apirilaren 1eko 19/1977 Legeak, sindikatuetan elkartzeko eskubideari buruzkoak eta horren garapen arautzaileak, xedatutakoari lotzen zaio.

Descargar estatutos

ADDE 2003ko uztailan sortu zen, dantzak Euskadin zuen egoerari buruzko eztabaida-foro moduan. Hasierako bileren eta 2004ko uztaila bitartean, ADDE erakunde profesional moduan sortu zen formalki eta Kulturaren Euskal Planean lehen ekarpenak egiten hasi zen lehen batzorde txostengileetan eta haietatik eratorritako sektoreko bileretan parte hartuta.

2005ean eta 2006an, ADDE EHUrekin elkarlanean aritu zen Ikuskizunaren Arteak eta Zientziak Masterra martxan jarri aurreko bileretan eta sektoreko solaskide-lanarekin jarraitu zuen, Kultura Saileko jarduera-ildo orokorren eta programa zehatzen definizioan lagunduz, hala nola Dantzan Bilaka.

2007an eta 2008an, ADDEk profesionalizatzeko beharrezko urratsak eman zituen, bazkideen afiliatze formalari ekinez eta presentzia aktibatuz Hedapen-zerbitzuarekin eta Euskadin dantzako baliabideen gidarako aldez aurreko azterketarekin. Aldi hartan, ADDEk sektore-lana areagotu zuen Kulturaren Euskal Planaren barruko mahaiaren eta dantzako talde eragilearen arteko bileretan eta sektoreko beste eragile batzuekin izandako elkarrizketen bidez, Arte Eszenikoen Goi Mailako Zentroaren moduko ekimenetan.

2009an egituraren erabateko profesionalizazioaren alde egin zuen apustu elkarteak, kudeaketaz eta koordinazioaz arduratuko zen pertsona kontratatuz eta hainbat jarduera alorretako proiektuak abian jarriz. 2010ean, bazkideen komunikazioaz eta zerbitzuez arduratuko zen norbait kontratatu zen, horri esker, Euskadin dantzaren garapen profesionalaren beharretara egokitzeko gai izango zen kudeaketa-egitura finkatuz.

2009. urtetik, ADDEk funtzionamendu egonkorra izan du elkarte mailan, alde batetik, Eusko Jaurlaritzako Kultura Sailaren laguntzari esker eta, bestetik, elkarteko kideei esker, zuzendaritza-batzordean eta antolatutako bileretan haien parte hartzearekin, iritziekin eta partaidetzarekin babesten baita proiektua eta izateko arrazoia ematen baitzaio.

Euskal Herriko Dantza Profesionalen Elkarteak, elkarte den aldetik, hainbat erronka eta helburu ditu aurrera begira eta datozen urteetan epe ertainean betetzea espero du. Hauek dira helburuak:
• Ordezkaritza areagotzea.
• Baliabide ekonomikoak areagotzea eta dibertsifikatzea.
• Barne-antolaketa eta komunikazioa hobetzea.

ADDEk dio kudeaketa-egituren pixkanakako profesionalizazioa dela helburuak aurrera eramateko modurik eraginkorrena, estatutuetan hitzartutako funtzionamendu-arauetatik abiatuta, betiere, eta barne gardentasuneko, ordezkaritzako eta demokraziako oinarrizko irizpideen mendean.