Dantza mota:
Lenguai Eszeniko Berriak
Erakusketa lekua: Kalea
Iraupena: 30 minutu
Estreinaldiaren data: 2023
Argazkia Amaia AparicioLo egiterakoan, gorputza hilda balego bezala geratzen da; ez du ikusten, ez du entzuten, ez du sentitzen, ez du kontzientziarik ezta pertzepziorik ere. Gizakiaren ahalmenak inaktibo bihurtzen dira, baina izpiritua bizi eta iraun egiten du. Are gehiago, bere gaitasunak sakonagoak bihurtzen dira, gorago hegan egiten dute, bere adimena handiagoa da. Gure bizitzaren ia heren bat lotan ematen dugu; fisikoki, ezin dugu amestu gabe aurrera egin, oinarrizkoa da, arnasa hartzea edo edan bezala. Nora joaten ote dira ametsak? Desagertu, hegan egiten, edota kolektiboan nahastuta gelditzen ote diren jakitea ezinezkoa da guretzat.
Eraikinetako teilatuetan, giro berezia dago ordea, ametsak bertan gordeta egongo balitz bezala. Airean dantzatzerakoan, amets horiek ikus ditzakegu, eta amets-dantza horretan barneratzen gaituzte. Zuk egin duzu amets noizbait? Eta noizbait hegan egiten zenuela amestu duzu? Eta garraiatzen zenuela? Ametsak unibertsalak dira, bere hizkuntza propioa badute. Ametsek ez dute axola arrazak, ezta maila sozialak ere ez. Badaude beste amets batzuk, pertsonalagoak direnak. Ametsen mundu bat dago eta nik, hemen gainean nagoela, amets egin nahi dut eta nire ametsak zaindu. Amets kolektiborik badaude, zaindu behar ditugu. Horien errealitatea mugarik gabea da; ametsetan edozer egiteko gai gara, baita, agian, gure errealitatea aldatzeko ere.
Argazkia Amaia Aparicio
Argazkia Amaia AparicioGloria Peon Torrek badaramatza 10 urte baino gehiago dantza eta zirko ikasketak egiten. Bereziki zirkoa landu du, eta honako eskola hauetan ikasi du berau: Brasilgo Nazio Eskolan bi urte, Kubako Nazio Eskolan urtebete, baita Madrilgo Carampa eskolan eta Argentinako hainbat eskoletan ere; horrez gain hainbat ikastaro eta egonaldi egin izan ditu Frantzian.
Zirkoan aditua izan arren, teknika aereotan bereziki, dantzan ere jarraitu zuen lanean. Eta trapezio ikasten zuen bitartean hainbat ikastaro egin zituen, hala nola, dantza garaikidea, afrikar dantzak, afro brasilgo dantzak. (Debora Coker Brasilgo Konpainia, Bilbon eta Bartzelonako Kalderan).
Bruxelasen izan da orain gutxi, esaterako, Dantza Garaikide Stage batean parte hartzen. Yoga irakaslea izateko titulazioa dauka eta ikerketa zein ezagutza handia dauka ACRO-yogan, azken disziplina hau hainbat gorputz terapiekin uztartzen du.
1999tik hainbat ekitaldi artistikotan hartu du parte: Konpainia handietan, besteak beste, La Fura eta Comediants-en ekitaldi zehatzetan; Euskal Herrian Kukubitxo edo Tantaka konpainietan; Azulkillas Euskal antzerki aereoren Konpainiaren kofundundadora eta artista izan zen, eta horren bidez hamaika nazio zein nazio arteko antzerki jaialdietan hartu du parte.
Gaur egun, bakarka zein hainbat proiektutan ari da lanean aldi berean, Dantza Bertikala eta Aereoan bereziki murgilduta.
Gloria Peon
Amaia Bartolome
