Dantza mota:
Dantza Tradizionala
Erakusketa lekua: Aretoa
Iraupena: 60 minutu
Estreinaldiaren data: 2022
Argazkia Mendi UrruzunoSustraía, topaketa, elkarrizketa.
Euren sustraietatik begiratzen duten bi gizonezko aurkitzen ditugu, bertan sakondu eta bertatik bere ingurunearekin harremantzen diirenak. Jatorri batetik heldu dira, berezko esentzia bat dute, topaketa bat aurkezten digute; elkarrizketan ari dira… Baina elkarrizketa beti ez da erraza, entzumenetik eraikitzen da, errespetutik… Batzuetan gerturatzen gaitu, bestetan urruntzen gaitu, tentsioan jartzen gaitu… eta besarkatzen gaitu.
'Yarin'ek kulturen arteko topaketa bat proposatzen digu, zeinetan Jon Maya dantzariak eta Andrés Marín bailaoreak, Julen Achiary-ren zuzeneko musikaz lagunduta, elkarrizketa zintzo batean topatzen diren. Euren arteko ezberdintasunak agerian daude, baita, haien bitartez, elkarrekin bide komun bat eraikitzeko eta bihar baterako bide bidai bati ekiteko desioa ere.
Argazkia Mendi Urruzuno
Argazkia Mendi UrruzunoKukai Dantza, 2017an Espainiako Sari Nazionala, Jon Mayaren dantzari eta koreografoaren ekimenez, 2001. urtean, sortutako dantza konpainia da. Errenterian sortua eta finkatuta, euskal dantza tradizionaletik abiatuta ikuskizun garaikideak sortzen ditu. Jarduera honekin nazioarte mailan oso identifikagarria den zigilua sortu du.
Bere lanen artean bereizgarriak dira sormen propioko ikuskizunak, Tanttaka Teatroarekin elkarlanean sortutako lau ikuskizunak eta koreografo gonbidatuekin sortutako lan berriak. Kukairekin lanean jardun dira, besteak beste, Cesc Gelabert, Damian Muñoz eta Virginia Garcia, Ione San Martín, Israel Galvan, Marcos Morau / La Veronal, Sharon Fridman...
Kukaiko dantzariek 6 urte zituztela hasi ziren dantza munduan eta 16 urte zituztenetik konpainiaren parte dira. Elkarrekin egindako ibilbidean, arte eszenikoak ulertzeko modu berriak garatu dituzte, bizi dugun aroarekin bat eginez.
Kukai Dantzak hainbat sari eskuratu ditu bere ibilbidean zehar.
Dantza ikuskizun Onenari Max Saria 2017. urtean, Dantza telde onenari MAX Saria 2015 eta 2017 urteetan, Leioako Umore Azokako Ohorezko Saria 2016. urtean, Dantza ikuskizun Onena Hueskako Dantza eta Antzerki jaialdian 2014 eta 2016 urteetan, Aipamen Berezia Valladolideko Nazioarteko Kaleko Arteen Jaialdian, Donostia Antzerki Saria 2003…
Doltza Oararteta Torrealdai
Doltza Oararteta Torrealdai
