Dantza mota:
Performance
Erakusketa lekua: Site Specific
Iraupena: 13 minutu
Estreinaldiaren data: 2022
Argazkia EtanowskiIdeia bat sortu, denbora, ideia suntsitu. Etengabe gertatzen zaigun zerbait da eta guk vals batekin erantzuten diogu. Absurdoaren erreinuan elkar aurkitu arte.
Bila eta bila, froga eta froga ibili ondoren hasierako ideiara itzultzearen sentsazioa. (Edo) Ideia ona da, (edo) zuk ez duzu ideia hoberik.
Zentzugabekeriak jositako 3/4ko konpas zentzudunek zirrara eragiten digute, mugitu egiten gaituzte. Itsasoaren tripak mugitzen diren moduan hau bare dagoenean.
Gure arteko hizkuntza deszifratzen ari gara, lortzen dugunean berriz ere hasieratik hasteko. Kodigoa biluztearen arriskua hartu eta gordinik zerbitzatzea erabaki dugu, plater sakon edo zapalean joango den jakin beharrik gabe. Lasai, sagarrak irensten lagunduko digu.
Hau da Remedios Vals, gurekin dantzatu nahi?
Argazkia Etanowski
Argazkia EtanowskiManu Gaigne perkusionista eta Jone Amezaga dantzaria gara. 2020an ZERBAIT.NOIZBAIT.NONBAIT proiektuari hasiera eman genion. Gure nahia, disziplinartekotasunaren inguruan lan egitea zen, disziplina artistiko bakoitzak elkarrekin sortzeko dituen modu ezberdinak ikertuz eta gorpuztuz. Beti, diziplina horiek maila berean kokatuz, eta haien artean harreman horizontalbat mantentzearen saiakerarekin.
Hala, hizkuntza eszeniko amankomun baten bilaketa helduleku eta bidea egiteko modu bihurtu da.
2022an, material zehatz bati ahalik eta etekin gehien atera nahian, gure lehen lana sortzea erabaki genuen, Remedios Vals.
Jone Amezaga
