Dantza mota:
Dantza Garaikidea
Erakusketa lekua: Aretoa
Iraupena: 52 minutu
Estreinaldiaren data: 2022
Argazkia Mariló Miguez “Desirari eustea ordena mantentzea da, baina baita izan ditzakegun esperientzia berrien aurrean pareta bat eraikitzea ere. Desira askatzeak, aldiz, gure zentzumenak areagotzen ditu, baina aldi berean, KAOSA eragiten du.”
ABUNDANCEk indarrean dirauen pentsamolde erromantikoa ezbaian jartzen du. Obrak, printze eta printzesaren istorioa desagertarazi nahi du, oraindik hain ukaezina den monogamia zalantzan jarriz. Izan ere, bizitzeko modu honek norbanakoaren fantasiak guztiz ixilarazi ditu, benetako desirak gure buruetan giltzapetuta geratuz.
Bost interpreteek, dantzatuz, jabetza, esklusibotasuna, zeloak eta leialtasuna garaituko dituzte. Erromantizismo toxiko hau iraultzeaz gain, piezak gizarteak zahartzaroarekiko duen ikuspegi negatiboarekin amaitzea du helburu. Honela, honen aurkako diskurtsoetatik ihesiz benetan boteretsua den adineko pertsonaia aurkeztuko da taula gainean. Berak, askatasun osoz eta bere urteek emandako esperientziatik abiatuz, belaunaldi berriari desioen unibertso honen berri emango dio, beren kabuz erabakiak hartzeko trebatuz.
Argazkia Mariló Miguez 
Argazkia Mariló Miguez OSA+MUJIKA, Jaiotz Osa eta Xabier Mujikaren arteko topaketa artistikoa da, 2017an sortua. Bi mundu sortzaileren arteko elkartzea da: alde batetik dantza, eta bestetik jantzigintza eta eszenografia. Jaiotz dantzari eta koreografoa da, Xabierrek berriz, jantziak eta espazio eszenikoak diseinatzen ditu. Bien artean sortzen duten taldearen helburua bisualki indartsuak diren istorioak kontatzea da; burua dituzten irudiak sortzea, hauei forma eta zentzua ematea eta mugimenduaren bidez nahiz formatu audiobisualetan garatzea.
OSA+MUJIKA dantzan eta ikusentzunezko artean dituzten interesak asetzeko sortu da.
Lehenengo pieza, Suddenly, UPV-EHUren Mikel Laboa Katedraren eta Sortutakoak 10 Gipuzkoako Dantzagunearen laguntzarekin sortutako espazio ez konbentzonaletarako hamahiru minutuko bakarkako lana, RedAcieloAbierto 2017 sarean hautatua izan zen, baita Espainiako nahiz nazioarteko hainbat jaialditan dantzatua ere. Pieza honetatik abiatuta sortu zuten Suddenly III, 50 minutuko antzokiko lana, Danza a Escena 2019ko katalogoan hautatua.
Jaiotz Osa
Jaiotz Osa + Xabier Mujika
