Dantza mota:
Disziplina anitzekoa
Erakusketa lekua: Site Specific
Iraupena: 55 minutu
Estreinaldiaren data: 2022
Argazkia Nagore LegarretaNoiz utzi genion haur izateari? Noizbait utzi al diogu? Noizbait utziko al diogu? NUNAVUT behin izan gineneko lurraldea da, denbora izozturik mantentzen denekoa, glaziarrek betirako irauten dutenekoa.. Bertan ikasi genuen zuhaitzetatik zintzilika ibiltzen, zuhaitzik gabeko eremuetan. Bertan jaso genuen piztiaren besarkada. Bertan ziren aske, haizeak korapilaturiko gure adatsak. Ahazturatik berreskuratuko al dugu, noizbehinka, bertara itzultzeko bidea...?
NUNAVUT izenak "gure indarra" edo "gure lurra" esan nahi du Inuiten hizkuntzan. Lurralde utopiko bat eraikitzeko saiakera da, non maitasuna, munstroak eta jolasa gailentzen diren. Unibertso oniriko bat iradokitzen duten paisaiak, non denbora gelditu egiten den, eta begiratzea eta entzutea besterik ez den geratzen. Ondoren, guztia gertatzen da...
Proposamen eszeniko hibrido bat, zeinak, ipuin kontaketak abiapuntutzat hartuta, dantza garaikidea, soinu artea, antzerki físikoa eta arte plastikoak batzen dituen.
Argazkia Nagore Legarreta
Argazkia Nagore LegarretaHainbat urtez lan koreografikoak garatzen egon ostean, Myriam Perez Cazabonek bere ekoizpenak NERI(H)ARI izenpean egokitzea erabakitzen du, non proiektu anitzak eta disziplinartekoak batzen dituen, musika, zinea, antzerkia edo argazkigintza bezalako beste arteekin hartu-emanean. Bere lana, dantza garaikide biluzia bezala definitzen du, hau da, fina, gardena eta zehatza. Eta disziplinartekoa, bere transmisiorako eta komunikaziorako balioa indartuz.
Norbere hizkuntza koreografikoan sakontzeko beharrak bultzaturik, 2016 urtean ematen dio hasiera, konpainia modura, bere proiektu pertsonalaren ibilbideari, Eusko Jaurlaritzaren dirulaguntzari eta Gipuzkoako Dantzagunearen eta Donostia Kulturaren babesari esker. Ibilbide honetan NERE AZALEAN ARROTZ (2017, Euskadiko Antzokien SAREA-k gomendaturiko lana), MUTU (2018. Euskadiko Antzokien SAREAk gomendaturiko lana), ICEBERG (2019) eta HIRU(3) (2021) piezak estrenatu ditu.
Myriam Perez Cazabonek, bere sortzaile ibilbidea lehenago hasten du, 2004 urtean, Nerea Urbieta eta Marta Ortegarekin sortutako NOSOTRAS Y LA PIEZA lanarekin, orduztik sortzaile arloa dantza irakaskuntzarekin eta dantzari lanarekin ere uztartuz. Ondoren etorriko dira “TENTATIVA DE AGOTAR UN LUGAR PARISINO” (2006) eta “EJERCICIONÚMERO2” (2007) piezak, Victor Iriarte zinegilearekin eta Maite Arroitajauregi musikariarekin elkarlanean sortuak, eta “PERMANENT VACATION.VERSIÓN” (2007), Larraitz Torres disziplina anitzetako artistarekin elkarlanean.
Egun, 40.BIDEGURUTZEA ekoizpen berrian dabil murgildurik.
Myriam Perez Cazabon
Myriam Perez Cazabon
